03252019الاخبار العاجلة :

أنا كفيل أبويا.. فتحي حلواني..

فتحي حلواني

فتحي حلواني

اشبك كده يا مروان مهموم ومضايق خير ان شاء الله ؟ لا يكون مضايق من المدرسة او من الطلبة او شكلك طفشت من وظيفة التدريس اللي لك فيها دحين اكتر من 25 سنه ؟ لا يا سيدي ماني مضايق ولا مهموم لا من مدرسة ولا من طلبة ولا من تعليم بس في موضوع كده شاغل بالي ومحيرني وقالقني وماني عارف كيف اتصرف فيه.. ايش هوه فهمني وقول لي يمكن نلاقي له حل من هنا والا من هنا.. اسمع يا سيدي الحكاية من طقطق لسلام عليكم.. تعرف انه هادي الايام البلد فيها تصحيح اوضاع بالنسبة للعمالة الوافدة والعمالة المتخلفة والجوازات ومكتب العمل مزحوم زحام يا لطيف هدا غير المعقبين اللي شغالين زي المناشير طالعين واكلين ونازلين واكلين والمعاملة اللي كانت بـ 1000 ريال صارت بـ 5000 ريال وكل مين في سوقه يبيع خروفه ما علينا وزي منت عارف اني اكتسبت الجنسية السعودية بموجب المادة الثامنة لاني مولود في المملكة من اب اجنبي وام اجنبية وابويا الله يطول في عمره له عايش في المملكة اكتر من 60 سنة وعمره الان 85 سنة فلما رحت الجوازات عشان اصحح وضعوا وانقل كفالته عليا بحكم اني مواطن سعودي، وبحكم كمان انه ابويا رجال كبير في السن وما يقدر على العمل في المؤسسة اللي يشتغل فيها فأخدت بعضي ورحت للجوازات زي ما قولتلك فقالوا لي انه النظام ما يسمح تنقل كفالة عامل لكفالة فرد والفرد هدا اللي هوه انا المواطن السعودي بصراحة استغربت من الرد يعني هدا ابويا وانا ولده السعودي ابغى انقل كفالته عليا عشان يعيش بقية عمره ما بين البيت والمسجد اليين ربنا ياخد امانته، خاصة انه عمره الان 85 سنة وما يقدر على الروحة والجية والحركة الكتيرة هدا غير انه ما يعرف احد في بلدو الاصلي اللي تركها وعمره 20 سنة، هدا غير انه هادي المشكله ما تخصني لوحدي في كتيير زي حالتي ويبغوا حل لمشكلتهم، عشان كده بتمنى من المسوؤلين انه يشوفوا لنا حل وطريقة في الحكاية دي خاصة اني مواطن سعودي وعشان كده بضم صوتي لصوت المواطن مروان واقول للمسؤولين ياريت تشوفوا حل للحكاية دي.

المصدر: جريد عكاظ

ما التالي ؟

مواضيع مشابهة

3 تعليقات على "أنا كفيل أبويا.. فتحي حلواني.."

  1. يقول تركي:

    اخوي انا نفس حالتك بس كتبت خطابات لى وزير الداخليه ومااستفت شىء فى الاخير رحت مكتب الامير محمد بن نايف وقابلته وشرحتله الوضع وفى الاخير ارسلت الداخليه حطاب لى الجوزات بنقل كفاله ابوي بي مهنه مرافق وتم الانتهاء من الازمه هذى

    روح لي الداخليه واكتب معاريض واذا مافادت ادخل على وزير الداخليه يستقبل الناس فى مكتبه

  2. يقول الحدري:

    الله ييسرها معانا يافتحي والامور ان شاء الله تكون بخير نحن ابناء الوطن
    والله معانا وانا نفس موضوعك الله يهونها عليك وعلينا

  3. يقول حلو منصر:

    دقت على الوتر الحساس . تخيل انا لدي قريبة رفضت تكفل أبوها . وهو سبب سعادتها و هي شقائه سبب ضاعت جنسيته فاضطر لاخذ جنسية أخرى من اجل تزوجيها بسعودي فكانت النتيجة سحبت منه وتجنست هي مع زوجها ورفضت كفالته والله زمن

التخطي إلى شريط الأدوات