ما سبب حفظ معاملة زواج مواطنة من مقيم؟

بجد العنوان لحاله يرفع الضغط من العنصريه الموجوده فيه استغفر الله بس بدات في شهر 1/1435 الين اخدت موافقة أهلي , و بدائنا الاجرأت الموضوع مشي بكل اريحية من محافظة جدة مجرد ما وصل شرطة المحافظة عليه السلام بجد ناس باردين و يتكلمو من طرف خشمهم كأن الواحد عامل منكر مو طالب شي بالحلال اخدت أوراق التحاليل و الجنائية و برنت الاحوال و ما كملت 12 يوم الا و هي عندهم الحمدلله , بداءو البحث و اعطوني موعد شهر على أساس الخاطب يراجع طبعا زوج المستقبل (إن شاء الله ) راح و قالو كل شي تمام و جلست 10 ايام و ما اتحولت و لا اتحركت للمحافظة رجعت لمكتب الزواج طلعوني مطلقة ومع العلم أنا ما عمري حصلت ليا واقعة زواج على قولهم , طلعت لمدير مكتب الزواج الله يعطيه العافية و يجزاه خير من حيث لا يحتسب و وقف معايا و طلع في ورقه ناقصة الموظف أهمل فيها و أدى إلى أن الموضوع أتاخر قال اسبوعين و ارجعي راجعي راجعتهم خلال اسبوع للاتصالات الاداريه ابشركم ضيعو المعاملة 🙂 رجعت لنفس المدير بنفس اليوم قبل صلاة الظهر جات الساعة 2 و المعاملة برقم الصادر بيدي (صادر المحافظة ) و بتاريخ أول امس كملت 6 شهور عشان أوراق الزواج و الموافقات و الطبيعي للان ما خلصنا , نفسيتي صارت جدا سيئة الحمدلله من ورا المعاملة الجميلة اللي بشوفها (الحمدلله على كل حال ) اليوم الصباح رجعت راجعت أمارة منطقة مكة المكرمة بمحافظة جدة على أساس ان المعاملة طلعت امارة مكة و اتحولت للمحافظة من جديد الخبر اللي صدمني موظفة الإستقبال قالتلي في إحتمالية أنهم يرجعوها للشرطة من جديد 🙂 و فعلا هوا اللي صار طلع بموقع المحافظة صدرت إلى محافظة جدة برقم ………. بتاريخ 19/08/1435 1-سؤالي ايش الاحتمالية الكبرى لحالة المعاملة ؟! 2-ايش الإجراءت اللي راح تصير بعد الشرطة و من الشرطة ؟! 3- المدة المتوقعه و لو في شي ممكن يخفف عني خروجي من دوامي كل شويه لان خطيبي على قولهم اجنبي و تعامل جدا سيء هناك ؟!