خطوات معاملة زواج السعودية من أجنبي في جدة؟

بسم الله الرحمن الرحيم ــــــــــــــــــــــــــــــــــــــــــــ السلام عليكم اخوانى واخواتى ************************* الحمد لله والفضل والمنة له تم تحويل معاملتى إلى محكمة الاحوال بجدة قبل امس 10/11/1436 الموفق 25/08/2015 ولذلك ان شاء الله سوف اقدم لكم خطوات التقديم على معاملة الزواج ومجرى سيرها من أ – ى مع التنبيه أن المعاملة فى جدة ( إمارة منطقة مكة المكرمة ) ———————————————— المرحلة الأولى : ـــــــــــــــــــــــــــــ تم تقديم معاملة الزواج من على موقع محافظة جدة الالكتروني http://www.jed.gov.sa [http://www.jed.gov.sa] *1* تدخل على الموقع ^^^^^ وتختار – الخدمات الالكترونية – ومنها تختار – طلب زواج سعودية من أجنبي ويقدم الطلب بصيغة الطرف السعودي أى ان تقديم الطلب عن طريق البنت و بأسم البنت ويفضل انك تعمل scan لهويتها الوطنية والاقامة حقتك ولكارت العيله لانه حيطلبهم *2* بعد متعبي البيانات والمطلوب منك حسب توجيهات الموقع وتقدم الطلب حيعطيك رقم ( رقم المعاملة المقدمة ) احتفظ بيه لانه حيكون مرجع لك تعرف منه وضع المعاملة فى المحافظة *3* بعد متقدم الطلب ادخل اتاكد ان المعاملة اتسجلت ولا لا وتستعلم برقم المعاملة حتلاقى المعاملة اتسجلت وطريقتها – تقديم الكتروني – وتاخذ يومين ثلاثة او اربع ايام بالكثير فى المكاتب من ادارة الحقوق لسكرتير المحافظ للمحافظ وبعدها تتحول لشرطة محافظة جدة برقم صادر اطبع الصفحة او اكتب رقم الصادر فى ورقة لانك هتحتاجة فى الشرطة وحيطلبه منك ((((( ميزة التقديم على الموقع اسهل وما تحتاج خطابات للامارة ولا للامير ولا اى شي بس تعبي البيانات وتكون دقيق فيها للغاية )) وبذلك المرحلة الأولى انتهت ########################## المرحلة الثانية ـــــــــــــــــــــــــ *1* تروح لشرطة جدة اللى فى حي النسيم بعد 3 او 4 ايام من تاريخ تحويل المعاملة وتدخل مكتب الاتصالات الادارية وتقوله عندي معاملة محولة من المحافظة وتعطية رقم الصادر ورقم المعاملة وأسم البنت المخطوبة *2* حيعطيك رقم وتاريخ معين ويقولك راجع المكتب النسائي *3* تروح البنت المخطوبة فى التاريخ المكتوب وتعطيهم الورقة اللى اخذتها من مكتب الاتصالات الادارية حيسألو البنت عن جنسية خطيبها وكم عمرها ويعطوها ورقة فيها الطلبات ورقة الطلبات المطلوب فيها كالتالى ــــــــــــــــــــــــــــــــــــــــــــــــــــــ الخاطب : – تعريف بالراتب مصدق من الغرفة التجارية او مصدق من العمدة اذا كان كفيله فردي – ( مواليد السعودية ) صورة من شهادة الميلاد مصدقة من مصدرها طبق الاصل وبتاريخ حديث – تعريف بالسكن من العمدة ( تروح عمدة الحي اللى انت ساكن فيه وتقوله محتاج تعريف سكن للزواج الورقة عنده وتاخذ معك 2 شهود سعودين ) – الفحص الطبي ماقبل الزواج وصورة منه ( حيدولك خطاب لمركز الفحص الطبي لك وللبنت وتاخذ معاك صورتين لك واحد منكم وصورة للهويات و700 ريال رسوم الفحص لك انت وتكون كاش وقبل لا تروح تحجز موعد الاول لك وللبنت وتكون قريبين من بعض من على موقع وزارة الصحه www.mohj.gov.sa وتطبع ورقة الموعد وتاخذها معك ) – صورة الاقامة مع الاصل -صورة الجواز مع الاصل ( واذا غير عربي يترجم للعربي من مكتب معتمد ) -صورة من صك الطلاق اذا كان مطلق – صورة من شهادة الوفاة اذا كان ارمل – بصمات الادلة الجنائية ( حتاخد خطاب لمدير الادله الجنائية وتروح ومعاك صورة الهوية وصور شخصية وموقعهم مقابل سوق الخيمه ) -مشهد ( وذي ورقة توقعها من العمدة ومعاك اثنين شهود سعودين بأنه لم يسبق لك الزواج من سعودية وفى الشرطة حيعطول الورقة فاضية تعطيها للعمدة وتعبيها قدامه أو من عنده مافيها مشكله ولو محتاج صوره منها انا عندي اتفضل تعالى خذها) المخطوبة : – تعريف بالسكن اذا كانت موظفة -الطالبة تعريف حديث – ربة المنزل مشهد من عمدة الحي بانها لاتعمل باي وظيفة حكومية او اهلية وانها ربة منزل -برنت من الاحوال ( حتاخد برنت موجهه لمدير الاحوال المدنية ولازم تاخذ موعد من الموقع و تختار – برنت – وتروح فى الموعد ومعاها الهوية الوطنية وتعطيهم الخطاب حيعطوها البرنت فى وقتها وموقعهم فى الاحالو المدنية اللى فى شارع الاربعين ولازم تحجز موعد الاول فى القسم النسائي للبنت عشان لا تنتظر الاولوية للمواعيد تحجز من موقع وزارة الداخلية www.moi.gov.sa وتختار حجز مواعيد الاحوال المدنية ) – صورة هويتها الشخصية مع الاصل – صورة من صك الطلاق اذا كانت مطلقة ومختومه طبق الاصل من المحكمة -صورة من شهادة الوفاة اذا كانت ارملة – ملف اخضر علاقى ( بريالين من اي مكتبة ) – حضورها للقسم النسائي ((((( خلاص تبداء تجهز الطلبات والاوراق / خلصتها ترجع البنت تسلمها تاني فى القسم النسائي حيعطوها رقم وتقولها راجعينا على التليفون وتعطيها التليفون وتحويلة الموظفة اللى معاها المعاملة – رقمهم 6372255 ودي تحويلة موظفة هناك كانت معاها معاملتى 1395 )) وخلاص تنتظر رساله بتحويل معاملتك مرة ثانية للمحافظة وحتاخد شوية وقت ممكن شهر او شهرين على حسب وضعهم وبذلك المرحلة الثانية خلصت ######################## المرحلة الثالثة ــــــــــــــــــــــــــ استلمت رساله من الشرطة بتحويل معاملتك مره اخري للمحافظة ؟ تمام *1* تطلع على مبنى المحافظة موقعه بجوار مبني الامارة الشارع اللي قبل بوابة الامارة تدخل حتلاقى باب على يسارك تدخل وتطلع الدرج تلاقى امن واقف تقوله عندي معاملة محولة من شرطة جدة من 10 ايام حيدخلك على استقبال الجمهور تنتظر دورك وتقوله نفس الكلام اللى قولته للامن وتعطية رقم صادر الشرطة حيعطيك ورقة فيها رقم معاملتك الجديد فى المحافظة ويقولك راجع مكتب الزواج – المكتب فى نفس المكان ونفس الصاله امام استقبال الجمهور *2* تدخل على المكتب وتقوله نفس الكلام وتعطية الورقة حيعطيك ورقة فيها رقم المعاملة وطلبات ( اصل الجواز والاقامة وكارت العيله او هوية ولى امر البنت ) ويقولك تيجيني يوم كذا ومعاك ولى امر البنت و2 شهود سعوديين بالغين وخذ معك صور من الهويات والاوراق احتياطي ) تروح فى الموعد انت وولى الامر والشهود حيسالك اسئله عن شغلك ومؤهلك وايش اللى خلاك تبغى تتزوج سعودية والكلام دا وبعدها حتوقعوا على ورقة ويقولك خلاص راجع على موقع المحافظة وبذلك انتهت المرحلة الثالثة ################## ً

اضغط على اسمي حيظهرلك الجزء الثاني او اضغط اللينك VVVVVVV

http://saudi-sons.net/q/?qa=15151/%D9%88%D8%A7%D9%84%D8%A7%D8%AE%D9%8A%D8%B1 [http://saudi-sons.net/q/?qa=15151/%D9%88%D8%A7%D9%84%D8%A7%D8%AE%D9%8A%D8%B1]