السؤال
عمري ٣٧ سنه خطيبي عمره ٤١ سنه عايش ومنولد في الدمام يحب هذه البلد وكبر وترعرع فيها انا عندي مشكله صحيه وجسديه ولم يتقدم لي اي شخص فقط هذا الرجل الذي احبني واحببته بصدق فتقدم لخطبتي وتمت الموافقه من قبل اسرتي وبعد سنه من محاوله ارضاء وموافقه القبيله للموافقه عليه كونه ليس سعودي مع اننا نعرف عائله خطيبي عز المعرفه وهم من عائله جدا محترمه وتخاف الله وسمعتهم طيبه الا ان موافقه باقي عائلتنا اخذت سنه وتم الحمدالله ارضاء جميع الاطراف وصارت النضره الشرعيه وبعدها تقدم خطيبي بمعامله الزواج في بدايه الامر كل شي كان تمام وكامل وطلبوا منه يسوي تحليل السموم وعملها وطلع سليم والحمدالله ولكن بعد ان وصلت المعامله عند موضف في قسم الحقوق الخاصه تخيلوا وقفت سنه ونص تصوروا في هذه السنه بكيت كثير وتعبت كثير اولا امي ماتت والناس صارت تتكلم وتطلع اشاعات مااقدر اكتب كل شي و الا مليت الموقع كله حزن وبكاء وهم في هذه السنه خطيبي يوميا يروح الاماره نبي نفهم شنو صاير مافي اي اجابه واضحه وبعد محاولات مستميته السبب طلع اختلاف المذاهب طيب احنا مسلمين ومافي فرق عندنا بنسبه لهلي واهل خطيبي واحنا متفاهمين وراضين ليش كل هذا التعقيد اصبحت في موقف صعب جدا بين وفاة امي الي كانت تنتظر الموافقه وبين سفر اهل خطيبي لبلدتهم وبين كلام الناس وبين الوضع النفسي الي امر فيه اصبت بالانهيار انا بنت حساسه ومثل اي بنت تتمنى تتزوج وتستقر الان قربت ادخل ال٤٠ ولا زلنا ننتظر سوينا خطابين وقابلنا الامير ونائب الامير والى الان مافي اي جواب ومابي اتزوج من غير موافقه وضعنا جدا حرج وصعب وابوي رجل كبير في السن وهذا التاخير اثر على وضعه الاجتماعي وكلام الناس صار مايحب يقابل احد وانا صرت منعزله جدا عشان ماحد يسألني ابي اعرف ايش الجريمه الي ارتكبناها عشان نتعاقب انا وخطيبي واهلنا فيها هذا زواج وستر وشرع الله اعرف كثير مختلفين في المذهب وتم زواجهم اشمعنى احنا والله تعبت تعبت ابي افهم الى متى بنتظر لين يعني ادخل سن اليأس ؟ وايش الحل احنا ناس بسطاء وعادين وماعندنا اي واسطه غير الله فكرت اتزوج بره مليون مره بس مااقدر اترك ابوي واهلي حرام الي يصير عذاب اكثر من سنتين والوقت يمشي بسرعه والعمر يمضي ابي حل ابي جواب ليش يصير معانا كذا ياليت يرفضون الزواج اهون من يخلونا كذا معلقين وين حقوق الانسان وين شرع الله وين كلام رسول الله من اتاكم من ترضون دينه وخلقه زوجوه ليش اشخاص عادين يلعبون في مستقبلنا وعمرنا مافي خوف من الله مافي احترام للاديان هذا عمر و مستقبل المفروض ماتوصل الى هذه الدرجه الاهم رضا الله والوالدين مافي اي حق يسمح لشخص غريب يرفض او يقبل ويلعب في مستقبل عائله كامله عشان هو عنصري او متشدد او طائفي حسبي الله ونعم الوكيل برايكم شنو الحل في موضوعي الي اصبح وكأنه عقده من مليون عقده ؟؟؟؟
الجواب
ورد في الإجابات أن سبب التعطيل هو تمسك الجهة المختصة في الشرقية بموضوع اختلاف المذاهب، مع نصيحة بتقديم المعاملة من إمارة أخرى مثل الرياض أو جدة بدل الشرقية. كما ذُكر ضرورة تجهيز إثبات سكن، وإذا كانت المتقدمة موظفة فتعريف مصدق من الغرفة التجارية، وإرفاق تقرير طبي حكومي عن الحالة الصحية. كما نصح أحد التعليقات بحسن الظن بالله وترك الموضوع والدعاء، وعدم الانشغال بالحب قبل العقد.
ملاحظات إضافية
الموضوع متعلق بزواج وموافقات رسمية وإجراءات قديمة ومتغيرة، وفيه إجابات غير حاسمة وآراء شخصية. وذُكر في أحد الردود أن معاملة الشرقية قد تُرفض مرة أخرى إذا أُعيدت في نطاقها.
هذا المحتوى مُعاد تحريره من نقاش قديم في المجتمع، وقد تعكس بعض التفاصيل أنظمة أو إجراءات كانت متداولة وقت نشر السؤال.
