السؤال
السلام عليكم. صراحة اذا كنت تكره احد ارسله لجوازات الرياض. الله يعين المعقبيين صراحة . اول شي انا كنت تابع للوالد في الاقامة وكنت متزوج من سعودية وعندي ولد طبعا ولدي جلس سنة ونص من غير اقامة لان ما قدرت اضيفه لاني تابع . اول ما نزل القرار الجديد زوجتي راحت تضيف الولد عليها قالوا لازم ابوه يضيفه عنده اول وبعدين يتنازل عنه للام. قلت خلاص قدمت على معاملة زوج مواطنة في جوازات الرياض وجلست 4 شهور مرة يقولوا المعاملة ضاعت ومرة يرجع الورق عشان يتأكدوا اني زوج مو ابن 🙂 ومرة هل انا مبصم ومرة هل انا دافع مصاريف النقل على اساس ماعندهم كمبيوتر عشان يتأكدوا. الى ان جاني انذار من العمل بخصوص تعديل الوضع فشغلت سيارتي ورحت الخرج في البداية زوجتي دخلت عند قسم النساء و من عندهم ارسلوه لقسم الرجال و بعد شوي رجع الورق وقالوا راجعو جوازات الرياض اخذت الورق بنفسي ودخلت قسم الرجال وكان تقريبا مهجور 🙂 ممكن لان كان اول يوم بعد العيد. سلمت الورق فقط الاصل ما طلب اعمل 100 نسخة من الاورق طالع فيني وقال ايش عندك قلت بس كلمة وحدة زوج مواطنة وعلى طول طبع لي اقامة جديدة كان مكتوب فيها غير مصرح له بالعمل قال لي روح للحاسب الالي رحت هناك وطبع لي وحدة ثانية من غير هذه الجملة . بس ثاني يوم رحت جوازات الرياض اضيف ولدي طبعا شفت اشياء غريبة لازم الكفيل يختم على الاستمارة ايش دخل الكفيل ما ادري و المشكلة اذا ختمت اي ختم ما راح احد يدقق . المهم انا رحت للضابط وخلصني .. كان باقي على اقامتي كم شهر قلت خلني اجدد ورحت سويت تأمين عشان افك عمري منهم وطبعتها من سوق لي مول .(غير مصرح له بالعمل) 🙂 و العسكري عادي روحوا الجوازات وانتو واقفين راح يخلصوها و للاسف رحنا وجلست 3 ايام وكنا نجلس من اساعة 8 الى 2:30 في الاخير رجعت المعاملة مكتوب فيها المذكور لديه ابن على كفالته لازم ينقل على امة . انا مني فاهم ايش دخل ولدي في اعادة الطباعة ولا الي عنده ولد على كفالته ممنوع يشتغل ؟ المهم قابلت واحد اعرفه قال هات الاقامة ونص ساعة واعملها لك قلت له من جوازات الرياض اسبوع ما راح تكفيك و الان له 3 ايام ولا جاب الاقامة 🙂 فالاخير قلت له جيبها ما ابي اعدلها خلاص ابي اسافر اجازتي السنوية خلصت وانا مستمتع في جوازات الرياض 🙁 .
وهنا احب انصحكم اذا نويت تروح جوازات الرياض قدم على اجازتك السنوية و الله يعينك..
الجواب
ورد في النص أن صاحب التجربة واجه تأخيرًا ومراجعات متكررة في جوازات الرياض عند معاملة زوج مواطنة وإضافة ابنه وتجديد الإقامة، مع طلبات مثل الختم من الكفيل وإعادة الطباعة ووجود عبارة غير مصرح له بالعمل، ثم أُعيدت المعاملة بسبب أن لديه ابنًا على كفالته ويجب نقله إلى أمه. كما وردت إجابات عامة بأن مثل هذه الإجراءات يتعب فيها المراجعون وأن الصبر مطلوب، مع الإشارة إلى أن بعض الناس يمدحون الجوازات وبعضهم يذمها.
ملاحظات إضافية
النص يحتوي على تجربة شخصية وشكوى عامة من الإجراءات، ولا يقدم حلًا رسميًا حاسمًا. توجد إشارات إلى إجراءات قديمة أو متغيرة مثل الكفيل والختم وإعادة الطباعة، لذا يلزم الحذر عند الاعتماد عليها.
هذا المحتوى مُعاد تحريره من نقاش قديم في المجتمع، وقد تعكس بعض التفاصيل أنظمة أو إجراءات كانت متداولة وقت نشر السؤال.
